रियाल म्याड्रिडमा भिनिसियसको भविष्य अन्योलमा, मोरिन्होको नेतृत्वमा प्रि-सिजन तयारी तीव्र

म्याड्रिड – स्पेनिस फुटबल क्लब रियाल म्याड्रिडका ब्राजिलियन फरवार्ड भिनिसियस जुनियर नयाँ मुख्य प्रशिक्षक होसे मोरिन्होको नेतृत्वमा प्रि-सिजन अभ्यासमा व्यस्त बनेका छन्। इङ्लिस प्रिमियर लिग क्लब आर्सनलले भिनिसियसलाई भित्र्याउन चासो देखाइरहेको चर्चा चलिरहँदा सान्टियागो बर्नाबेउमा उनको भविष्यलाई लिएर अन्योल भने कायमै छ।

२६ वर्षीय ब्राजिलियन स्टारले क्लबको आधिकारिक टीभीसँग कुरा गर्दै नयाँ प्रशिक्षक मोरिन्होको रणनीति र प्रशिक्षण शैलीप्रति खुसी व्यक्त गरेका छन्। “नयाँ प्रशिक्षक र नयाँ खेलाडीसँग घुलमिल हुनुका साथै कडा मेहेनत गरिरहेका छौँ,” भिनिसियसले भने, “मोरिन्होले मलाई सधैँझैँ खुसी र प्रसन्न रहँदै आफ्नो स्वाभाविक खेल खेल्न भन्नुभएको छ।”