होर्मुज खुल्ने सम्भावना बढेपछि अन्तर्राष्ट्रिय बजारमा तेलको मूल्य घट्यो

काठमाडौं– अमेरिका र इरानबीच होर्मुज जलडमरूमध्य पुन: सञ्चालन गर्ने विषयमा वार्ता सकारात्मक दिशातर्फ अघि बढेको सङ्केतसँगै अन्तर्राष्ट्रिय बजारमा कच्चा तेलको मूल्य तीन सातायताकै न्यून स्तरमा झरेको छ ।

विश्व बजारको प्रमुख मापदण्ड ब्रेन्ट कच्चा तेलको मूल्य करिब पाँच प्रतिशतले घटेर प्रतिव्यारेल ८० अमेरिकी डलरभन्दा तल पुगेको छ भने अमेरिकी वेस्ट टेक्सास इन्टरमिडियट कच्चा तेल पनि पाँच प्रतिशतभन्दा बढी घटेर करिब ७६ अमेरिकी डलरमा कारोबार भएको छ ।