हसिना प्रकरणमा बंगलादेशलाई भारतको स्पष्ट जवाफ : सरकारको कुनै संलग्नता छैन

भारतले बंगलादेशकी पूर्वप्रधानमन्त्री शेख हसिनाको नियोजित भर्चुअल भाषणमा आफ्नो कुनै पनि किसिमको संलग्नता नरहेको स्पष्ट पारेको छ।

नयाँ दिल्लीमा आयोजित पत्रकार सम्मेलनमा भारतको विदेश मन्त्रालयका प्रवक्ता रणधीर जयसवालले हसिनाको उक्त कार्यक्रमसँग भारत सरकारको कुनै सरोकार नरहेको बताएका हुन्। उनले भने, ‘सरकारको यसमा कुनै संलग्नता छैन र फोरममा व्यक्त हुन सक्ने कुनै पनि विचारलाई समर्थन गर्दैन। तपाईंले उल्लेख गरिरहनुभएको अन्तरक्रिया एक निजी मिडिया संस्थाले आयोजना गरेको हो।’