असरल्ल तारले गुजुल्टिएको काठमाडौं ! [तस्वीरहरू]

काठमाडौंका सडकमा बिजुली, इन्टरनेट र टेलिफोनका तार असरल्ल देखिन्छन् । सञ्चार र ऊर्जामन्त्री दुवैले यसको व्यवस्थापन गर्न पटक-पटक निर्देशन दिए पनि यो काम सफल हुन सकेको छैन ।

संघीय राजधानी काठमाडौं टेलिफोन, इन्टरनेट र बिजुलीका अव्यवस्थित तारले कुरूप बनेको छ । योजनाविहीन पूर्वाधार विस्तार, सेवा प्रदायकबीच समन्वयको अभाव, पुराना तथा प्रयोगविहीन तार समयमै नहटाइनु, पोलको सीमित क्षमता र भूमिगत पूर्वाधारको कमीले सहरभित्र अव्यवस्थित तारको समस्या बढेको हो ।