नागढुंगा सुरुङमा सुरक्षाको जोखिमबारे सांसद थापाले उठाए प्रश्न

काठमाडौँ । सांसद सुनिलबहादुर थापाले सुरुङ मार्गको सुरक्षा व्यवस्थालाई लिएर गम्भीर चासो व्यक्त गरेका छन् । समितिको बैठकमा बोल्दै थापाले सुरुङभित्रको सुरक्षालाई आतङ्ककारी गतिविधि र सवारी साधनको गति सीमा (स्पीड लिमिट) गरी दुई पक्षबाट हेर्नुपर्ने बताए ।

नेपालमा पहिलो पटक यस्तो सुरुङ सञ्चालनमा आउँदा मानिसहरू सेल्फी खिच्न वा टिकटक बनाउन रोकिने सम्भावना रहेको भन्दै उनले यसले ठुलो ट्राफिक जाम र सुरक्षा जोखिम निम्त्याउन सक्ने चेतावनी दिए । यस्ता क्रियाकलाप रोक्न र सुरक्षा प्रत्याभूति गर्न के–कस्ता उपाय अपनाइएका छन् ? उनले प्रश्न गरे ।