होटेलका वाइफाइमार्फत् ह्याकिङ गर्ने समूह सक्रिय भएको माइक्रोसफ्टको चेतावनी

काठमाडौं । यात्रामा हिँडेकाहरूलाई लक्षित गर्दै होटेल तथा आतिथ्य क्षेत्रका वाइफाइ नेटवर्कमार्फत ह्याकिङ गर्ने गिरोह सक्रिय रहेको भन्दै माइक्रोसफ्टले सतर्क रहन आग्रह गरेको छ । रुससँग आबद्ध ह्याकर समूहले होटलको वाइफाइ नेटवर्कमा पहुँच बनाएर माइक्रोसफ्ट ३६५ प्रयोगकर्ताको लगइन विवरण चोरी गर्ने र डिभाइसहरूमा मालवेयर हालिदिन थालेको माइक्रोसफ्टले जनाएको छ ।

कम्पनीको पछिल्लो थ्रेट इन्टेलिजेन्स प्रतिवेदनअनुसार ‘क्याप्टिभ क्रन्च’ नाम दिइएको यो ह्याकिङ अभियान होटल, सम्मेलन केन्द्र तथा आतिथ्य क्षेत्रका अन्य स्थानमा प्रयोग हुने वाइफाइ लगइन प्रणालीलाई लक्षित गरी सञ्चालन भइरहेको छ । माइक्रोसफ्टले विशेषगरी व्यापारिक यात्रामा रहेका प्रयोगकर्तालाई सार्वजनिक इन्टरनेट प्रयोग गर्दा सतर्क रहन भनेको छ ।