मकवानपुरमा तरकारी बोकेको ट्रक दुर्घटना : एक जनाको मृत्यु, चालक घाइते

मकवानपुर – त्रिभुवन राजमार्गअन्तर्गत मकवानपुरको भीमफेदी गाउँपालिका-२ स्थित तिलटारमा तरकारी बोकेको ट्रक दुर्घटना हुँदा एक जनाको मृत्यु भएको छ भने चालक घाइते भएका छन् ।

बुधबार राति करिब २:३० बजे पालुङबाट वीरगञ्जतर्फ जाँदै गरेको मधेश प्रदेश ०३-००२ ख ५०९५ नम्बरको ६ चक्के डिब्बा ट्रक अनियन्त्रित भई सडकबाट करिब १०० मिटर तल चण्डी खोलामा खसेको थियो । वर्षा र बाक्लो हुस्सुका कारण ओरालो सडकमा ट्रक चिप्लिएर दुर्घटना भएको प्रहरीले जनाएको छ ।