गुण्डुमा नेता ढलेको खबरपछि योगेशले भने- नेताका निवास सुख-दु:ख साट्ने विश्वासका केन्द्र बन्नसक्नु पर्छ

नेकपा (एमाले) का उपमहासचिव योगेश भट्टराईले पार्टी कार्यालय र नेताहरूको निवास दु:ख-सुख साट्ने विश्वासको केन्द्र बन्नुपर्ने बताएका छन् । अध्यक्ष केपी शर्मा ओलीको गुण्डुस्थित निवासमा बागमती प्रदेश संसदीय दलका नेता जगन्नाथ थपलियामाथि भएको भनिएको अपमानजनक घटनापछि भट्टराईले सामाजिक सञ्जालमा असन्तुष्टि जनाएका हुन् ।

सोमबार राति अध्यक्ष ओलीको निवासमा भएको घटनातर्फ इङ्गित गर्दै उपमहासचिव भट्टराईले फेसबुकमा लेखेका छन्, 'पार्टी कार्यालय र नेता (अगुवा) का निवासहरू दुःख साट्ने, सुख बाँड्ने, प्रेमिल अनि भरोसा र विश्वासका केन्द्र बन्न सक्नुपर्दछ! जहाँ पारिवारिक र कमरेडली वातावरणमा छलफल हुन सकोस्! नत्र दुःख पर्दा जाने कहाँ?'