कार्की साइँलाको लग्यौ परान

आगामी असोज २ गते रिलिजमा आउने फिल्म कार्की साइलाले प्रचार अभियानको सुरुवात पहिलो गीत लग्यौ परान सार्वजनिक गरेको छ। निर्माण टिमले मंगलवार राजधानीमा आयोजित एक समारोहबीच फिल्मको गीत सार्वजनिक गरेको हो।

सार्वजनिक गीतको भिडियोमा फिल्मका मुख्य कलाकार जितु नेपाल र प्रियाना आचार्यलाई रोमान्टिक अवतारमा प्रस्तुत गरिएको छ। उनीहरूको केमेस्ट्री स्वाभाविक र आकर्षक देखिएको छ। श्रेय अगस्ती र बेनिशा पौडेलको स्वर रहेको गीतमा विष्णु नेपाल नेपालीको शब्द, संकेत अगस्तीको संगीत तथा विशाल निरौलाको एरेन्जमेन्ट रहेको छ।