मन्त्रीको निर्देशनपछि सर्त उल्लङ्घन गर्ने बालाजु क्षेत्रको उद्योगको पानी र बिजुली काटियो

काठमाडौँ – उद्योग, वाणिज्य तथा आपूर्तिमन्त्री गौरीकुमारी यादवको निर्देशनपछि बालाजु औद्योगिक क्षेत्र व्यवस्थापनले सम्झौता विपरीत सञ्चालित उद्योगमाथि कारबाही प्रक्रिया तीव्र पारेको छ ।

यसैक्रममा औद्योगिक क्षेत्र व्यवस्थापन लिमिटेड, शाखा कार्यालय बालाजुले सम्झौताका सर्त उल्लङ्घन गरेको भन्दै कन्टिनेन्टल कम्पोनेन्ट सर्भिसेस प्रा.लि. लाई छलफलका लागि सात दिने अल्टिमेटमसहित पत्राचार गरेको छ । उद्योगका प्रतिनिधिले पत्र बुझ्न अस्वीकार गरेपछि व्यवस्थापनले बुधबार उद्योगको मुख्य गेटमै पत्र टाँसेको छ ।