मौसम विभागको चेतावनी: यी क्षेत्रमा धेरै भारी वर्षा, काठमाडौंसहित ४० जिल्ला बाढीको जोखिममा

काठमाडौं- जल तथा मौसम विज्ञान विभागअन्तर्गतको मौसम पूर्वानुमान महाशाखाले आज (बुधवार) देशका विभिन्न क्षेत्रमा भारीदेखि धेरै भारी वर्षा हुने सम्भावना रहेको भन्दै सतर्कता अपनाउन आग्रह गरेको छ । लगातारको वर्षासँगै देशका ४० जिल्लाका साना नदी तथा खोलामा आकस्मिक बाढी आउन सक्ने जोखिम औँल्याइएको छ ।

महाशाखाका अनुसार हाल देशभर सामान्यदेखि पूर्ण बदलीको अवस्था रहेको छ । कोशी, बागमती र गण्डकी प्रदेशका केही स्थान तथा मधेश, लुम्बिनी, कर्णाली र सुदूरपश्चिम प्रदेशका थोरै स्थानमा मेघगर्जन तथा चट्याङसहित हल्कादेखि मध्यम वर्षा भइरहेको छ ।