सुनको सञ्चिति बढाउन विभिन्न देशहरूको होड, के होला अमेरिकी डलरको भविष्य ?

काठमाडौं । विश्व अर्थतन्त्रमा यतिबेला देखिएको मोडले शक्ति र विश्वासको केन्द्र परिवर्तन भइरहेको आभास दिलाइरहेको छ । लामो समयदेखि अमेरिकी डलरले विश्वको निर्विकल्प सञ्चिति मुद्राको रूपमा राज गर्दै आएकोमा हालका वर्षहरूमा विश्वका केन्द्रीय बैंकहरूले देखाएको सुनप्रतिको आशक्तिले डलरको यो वर्चस्वमाथि गम्भीर प्रश्न खडा गरिदिएको छ ।

ऐतिहासिक रूपमा हेर्दा मुद्रा र सुनको सम्बन्ध सधैं उतारचढावपूर्ण रहेको छ तर वर्तमान समयमा देखिएको सुन सञ्चय गर्ने प्रवृत्तिले सन् १९७१ को निक्सन शकपछिको सबैभन्दा ठूलो आर्थिक परिवर्तनको संकेत गरिरहेको छ ।