अर्थमन्त्री डा. वाग्ले र राष्ट्र बैंकका कार्यकारी निर्देशकहरूबीच छलफल

काठमाडौँ । अर्थमन्त्री डा. स्वर्णिम वाग्लेले देशको वर्तमान वित्तीय अवस्था, आर्थिक चुनौती र तिनको समाधानका सम्भावित उपायबारे राष्ट्र बैंकका उच्च अधिकारीहरूसँग छलफल भइरहेको छ । अर्थ मन्त्रालयको सुवर्ण हलमा बिहान ९:१५ बजे सुरु बैठकमा नेपाल राष्ट्र बैंकका सम्पूर्ण कार्यकारी निर्देशकहरूको सहभागिता छ।

सामान्यतया अर्थमन्त्रालयले राष्ट्र बैंकका गभर्नर र डेपुटी गभर्नरहरूसँग मात्रै नियमित भेटघाट र समन्वय गर्दै आएकोमा कार्यकारी निर्देशकहरूसँग हुन लागेको यो प्रत्यक्ष संवादलाई अर्थपूर्ण मानिएको छ। नीति निर्माण र कार्यान्वयनको प्रत्यक्ष अनुभव बोकेका कार्यकारी निर्देशकहरूसँगको संवादले देशको वित्तीय अवस्थाको यथार्थ चित्रण ल्याउने अपेक्षा गरिएको छ।