अमेरिकी सेयर बजारमा नयाँ कीर्तिमान

काठमाडौँ । होर्मुज जलडमरू फेरि खोल्ने विषयमा वार्तामा प्रगति भएको अमेरिकी अधिकारीहरूको भनाइसँगै तेलको मूल्य घटेको छ भने अमेरिकी सेयर बजारमा नयाँ सर्वकालीन कीर्तिमान कायम भएको छ ।

होर्मुज जलडमरू पुनः खोल्ने सम्झौता हुने आशा बढ्नुका साथै ठूला अमेरिकी कम्पनीहरूले अपेक्षाभन्दा राम्रो वित्तीय नतिजा सार्वजनिक गरेपछि बजारमा तीव्र वृद्धि भएको हो । अमेरिकी सेयर बजारको सबैभन्दा लोकप्रिय सूचक एस एन्ड पी ५०० मंगलबार १.८ प्रतिशतले बढेर पहिलोपटक ७,७०० अंकभन्दा माथि पुगेको छ । यससँगै यसले जुन २ मा कायम गरेको यसअघिको ७,६२०.९० अंकको कीर्तिमान तोडेको छ ।