आर्थिक सुधार सफल बनाउन राष्ट्र बैंकको भूमिका बदल्नुपर्नेमा अर्थमन्त्री वाग्लेको जोड

काठमाडौं- अर्थमन्त्री डा. स्वार्णिम वाग्लेले आर्थिक सुधार र संरचनागत रूपान्तरणको अभियान सफल बनाउन नेपाल राष्ट्र बैंकले आफ्नो भूमिका समयअनुकूल पुनर्परिभाषित गर्नुपर्ने बताएका छन्।

नेपाल राष्ट्र बैंकका कार्यकारी निर्देशकहरूसँगको छलफलमा उनले निजी क्षेत्र अहिले नवीन अवसरसँगै नीतिगत आत्मविश्वासको खोजीमा रहेको उल्लेख गर्दै व्यवसायीहरूले सहुलियतभन्दा स्पष्ट नीति, स्थिर नियम, छिटो निर्णय र विश्वसनीय कार्यान्वयनको अपेक्षा गरेको बताए।