वित्तीय प्रणालीबाट ८५ अर्ब रुपैयाँ खिच्दै राष्ट्र बैंक

काठमाडौँ । नेपाल राष्ट्र बैंकले वित्तीय प्रणालीमा रहेको अत्यधिक तरलता व्यवस्थापन गर्न पुनः ठूलो परिमाणको रकम प्रशोचन गर्ने भएको छ। केन्द्रीय बैंकले मौद्रिक व्यवस्थापनलाई प्रभावकारी बनाउने उद्देश्यले वित्तीय प्रणालीबाट थप रु. ८५ अर्ब निक्षेप खिच्न लागेको हो।

राष्ट्र बैंकको मौद्रिक व्यवस्थापन विभागद्वारा जारी सूचना अनुसार तीन महिना (९१ दिन) अवधिका लागि उक्त निक्षेप संकलन गर्न लागिएको हो। इच्छुक क, ख र ग वर्गका बैंक तथा वित्तीय संस्थाहरूले आज अपराह्न ३:०० बजेसम्म अनलाइन ‘बिडिङ सिस्टम सफ्टवेयर’ (OBSS) मार्फत बोलकबोलमा सहभागी हुन सक्नेछन्।