अवैध सम्पत्ति आर्जन मुद्दामा विशेष अदालतमा सुनिल पौडेलको बयान सुरु

काठमाडौँ । गैरकानुनी सम्पत्ति आर्जनको अभियोगमा भ्रष्टाचार मुद्दा चलाइएका नेपाल टेलिकमका तत्कालीन प्रबन्ध निर्देशक सुनिल पौडेलको विशेष अदालतमा बयान सुरु भएको छ ।

विशेष अदालतका न्यायाधीश नारायणप्रसाद पौडेल र उमेश कोइरालाको इजलासमा पौडेलको बयान भइरहेको छ । बयानका लागि पौडेल कार्यालय खुलेलगत्तै सोमबार अदालतमा उपस्थित भएका थिए । बयान र थुनछेक सकिएपछि पुर्पक्षका लागि थुना, धरौटी वा साधारण तारिखमा राख्ने विषयको टुंगो लाग्नेछ ।