‘ओलीको आदेशले राजीनामा दिन्नँ’ भनेका मुख्यमन्त्री कार्की छलफल गर्न गुण्डु जाँदै

कोशी प्रदेश सरकारको मुख्यमन्त्री फेर्ने विषयमा पार्टीका नेताहरू एकमत हुन नसकेपछि पार्टी अध्यक्ष केपी शर्मा ओलीसहित प्रदेशका मुख्यमन्त्री हिक्मतकुमार कार्की र प्रदेशका पदाधिकारीका बीच बुधबार पुनः छलफल हुने भएको छ । ओलीनिवास गुण्डुमा दिउँसो १ बजे छलफल हुने मुख्यमन्त्री कार्कीले जानकारी दिए । उनी अहिले आन्तरिक बैठकमा छन् ।

मंगलबार पार्टी अध्यक्ष ओली र कोशीका अध्यक्ष घनश्याम खतिवडा तथा सचिव राजकुमार भण्डारीबीच मुख्यमन्त्री फेर्ने विषयमा छलफल भएको थियो । पदाधिकारीसँगको भेटघाटपछि मुख्यमन्त्री कार्कीले पार्टी अध्यक्ष ओलीलाई भेटेका थिए ।