नेपाली फुटबललाई निलम्बन

काठमाडौं ।

फुटबलर्स मिसन टुगेदरले अखिल नेपाल फुटबल संघ (एन्फा) लाई विश्व फुटबलको सर्वोच्च निकाय फिफाको निलम्बनमा निकास निकाल्न पहल गर्ने बताएको छ । मध्यस्थकर्ताको रूपमा रहने तयार भएको फुटबलर्स मिसन टुगेदरले हाल नेपाली फुटबलमा उत्पन्न समस्या समाधान गर्न प्रस्ताव राखेको हो । पूर्व खेलाडी, प्रशिक्षक, रेफ्री र अन्य फुटबल अधिकारीहरुको संस्था मिसन टुगेदरले फिफा अध्यक्ष जियानी इन्फान्टिनोलाई सम्बोधन गर्दै लेखेको पत्रमा तहगत निर्वाचन वर्तमान समस्याको एकमात्र समाधान रहेको उल्लेख गरेको छ ।