बागमती : राप्रपाको असमञ्जस र नेमकिपाको तटस्थताले गिजोलिएको गणित

काठमाडौं । बागमती प्रदेशमा इन्द्र बानियाँ नेतृत्वको सरकार ढल्ने संघरामा पुगे पनि नयाँ मुख्यमन्त्री को बन्ने भन्ने अन्योलको निवारण हुन सकेको छैन । भावी मुख्यमन्त्रीका आकांक्षी किरण थापा राप्रपाको मुख ताकिरहेका छन्, तर राप्रपाले उनलाई सघाउने सम्भावना झिनो देखिएको छ ।

थापाले राप्रपाको समर्थनमा आजै नयाँ सरकारको नेतृत्वमा दाबी गर्ने तयारी गरेका थिए । पार्टी अध्यक्ष केपी शर्मा ओलीको आशीर्वाद पाएका उनी राप्रपाका ७ जना सांसदको आश्वासन पाएपछि मुख्यमन्त्री बन्न तम्सिएका छन् । तर, राप्रपा सांसदहरूले थापालाई समर्थन गन्ने सम्भावना टर्दै गएको स्रोतहरू बताउँछन् ।