हर्मुज जलघाँटी खुलाउने सम्झौता अन्तिम चरणमा

काठमाडौं । अमेरिकी राष्ट्रपति डोनाल्ड ट्रम्पले हर्मुज जलघाँटी चाँडै पुनः सञ्चालनमा नआए इरानले गम्भीर परिणाम भोग्नुपर्ने चेतावनी दिएका छन्। उनले अमेरिका, इरान र ओमानबीच जलघाँटी खुलाउने विषयमा वार्ता सकारात्मक दिशामा अघि बढिरहेको र एक–दुई दिनभित्र सम्झौता हुन सक्ने विश्वास व्यक्त गरेका छन्।

क्यालिफोर्निया भ्रमणका क्रममा फक्स न्युजसँग कुरा गर्दै ट्रम्पले हर्मुज जलघाँटी “धेरै चाँडै” खुल्ने अपेक्षा रहेको बताए। तर त्यसो नभए इरान “धेरै नराम्रो रूपमा प्रभावित हुने” चेतावनी दिँदै अन्ततः जलघाँटी खुल्ने दाबी गरे।