फिफा अध्यक्ष इन्फान्टिनोले बोलाए आकस्मिक बैठक

२० साउन, काठमाडौं । अन्तर्राष्ट्रिय फुटबल महासंघ (फिफा) का अध्यक्ष जियानी इन्फान्टिनोले आफ्नो विवादित व्यावसायिक योजना फिर्ता लिएपछि उत्पन्न विवाद समाधान गर्न बुधबार मोरक्कोमा वरिष्ठ पदाधिकारीहरूको आकस्मिक बैठक बोलाएका छन् ।

फिफाको व्यावसायिक तथा प्रतियोगिता सञ्चालनसम्बन्धी अधिकार निजी संस्थालाई हस्तान्तरण गर्ने उद्देश्यले ल्याइएको ‘फिफा फरवार्ड इन्टरप्राइज’ योजना व्यापक आलोचनापछि रद्द गरिएको थियो ।