राप्रपाले बनायो महाधिवेशन तयारीका लागि १६ वटा समिति

काठमाडौँ । राप्रपाले आगामी मंसिर २६, २७ र २८ गते काठमाडौँमा हुने महाधिवेशनको तयारीका लागि १६ वटा विभिन्न समितिहरू गठन गरेको छ। बुधबार बसेको केन्द्रीय कार्यसम्पादन समितिको बैठकले नेता निरञ्जन थापाको अध्यक्षतामा रहेको विधान मस्यौदा समितिमा सदस्यहरू थप गर्ने निर्णय समेत भएको अध्यक्ष राजेन्द्र लिङ्देनले जानकारी दिए ।

अध्यक्ष लिङ्देनले सुनसरीमा भएको धार्मिक तथा जातीय द्वन्द्वको घटनाप्रति दुःख व्यक्त गर्दै सरकारको कमजोरीका कारण देशले क्षति व्यहोर्नुपरेको बताए। उनले यस्ता संवेदनशील विषयमा सरकारलाई सचेत रहन आग्रह गर्दै घटनाका पीडितलाई उचित क्षतिपूर्ति र दोषीलाई कारबाहीको माग गरे।