कम्युनिस्ट आन्दोलनको एउटा चरण पूरा भयो, अब नयाँ ढंगले जानुपर्छ : विप्लव

काठमाडौं । नेकपा माओवादीका महासचिव नेत्रविक्रम चन्द विप्लवले कम्युनिस्ट आन्दोलनको एउटा चरण पूरा भएको टिप्पणी गरेका छन्। आज काठमाडौंमा पत्रकार सम्मेलन गरेर कम्युनिस्ट आन्दोलनलाई अघि बढाउने नयाँ प्रस्ताव अघि सारे।

उनले भने, ‘सबै कम्युनिस्ट पार्टीहरूमा एउटा बहस चलिरहेका छन्। कुनै एक दलले या एउटा नेताले मात्रै लिएर गइहाल्ने कम्युनिस्ट आन्दोलन देखिँदैन। नयाँ कम्युनिस्ट केन्द्र नेपालको एउटा दृष्टिकोणसहित कम्युनिस्टलाई पुनर्गठन गर्नुपर्छ। नयाँ घोषणापत्र, नयाँ दृष्टिकोणसहित गएपछि मात्रै कम्युनिस्ट आन्दोलन युवाहरूको बिचबाट फेरि उठेर आउँछ।’