प्राइम कमर्सियल बैंकले जित्यो महालक्ष्मी कर्पोरेट क्रिकेट लिगको उपाधि

काठमाडौँ । महालक्ष्मी विकास बैंकको ३२औँ वार्षिकोत्सवको अवसरमा आयोजित ‘महालक्ष्मी कर्पोरेट क्रिकेट लिग २०२६–संस्करण ५’ सफलतापूर्वक सम्पन्न भएको छ। जेठ १७ देखि २० गतेसम्म काठमाडौँमा सञ्चालित उक्त प्रतियोगिताको फाइनल खेलमा माछापुच्छ्रे बैंक लिमिटेडलाई पराजित गर्दै प्राइम कमर्सियल बैंक लिमिटेडले उपाधि हात पारेको हो।

कुल २४ वटा बैंक तथा वित्तीय संस्थाहरूको सहभागिता रहेको यस प्रतियोगिताको समापन समारोहमा नेपाली राष्ट्रिय क्रिकेट टोलीका पूर्व कप्तान ज्ञानेन्द्र मल्लले विजेता तथा उप–विजेता टोलीलाई ट्रफी र पुरस्कार वितरण गरे। सो अवसरमा प्राइम कमर्सियल बैंकका कृतार्थ शाक्य उत्कृष्ट खेलाडी घोषित भए ।