लिङ्देन भन्छन् : धार्मिक सहिष्णुता बचाउन नेपाललाई संसारकै एक मात्र हिन्दु राष्ट्र बनाउनुपर्छ

काठमाडौं- राष्ट्रिय प्रजातन्त्र पार्टी (राप्रपा)ले आगामी मंसिर २६, २७ र २८ गते काठमाडौंमा पार्टीको महाधिवेशन गर्ने निर्णय गरेको छ। महाधिवेशनको तयारीका लागि १६ वटा समिति गठन गरिएको र नेता निरञ्जन थापाको संयोजकत्वमा विधान संशोधन समिति पनि बनाइएको पार्टीले जनाएको छ।

बुधबार धुम्बाराहीस्थित केन्द्रीय कार्यालयमा बसेको केन्द्रीय कार्यसम्पादन समितिको बैठकपछि आयोजित पत्रकार सम्मेलनमा अध्यक्ष राजेन्द्र लिङ्देनले नेपाल बहुजातीय र बहुधार्मिक मुलुक भएकाले जातीय तथा धार्मिक सहिष्णुता कायम रहनुपर्ने बताए।