सरकार हरेक मोर्चामा असफल: सुनसरी घटनादेखि अर्थतन्त्रसम्म कांग्रेसको प्रहार

काठमाडौँ । नेपाली कांग्रेसले सुनसरीको देवानगञ्जस्थित कप्तानगञ्जको घटनामा सरकारले संयमता गुमाएको र जिम्मेवारी निर्वाह गर्न पूर्ण रूपमा असफल भएको गम्भीर आरोप लगाएको छ।

बुधबार पार्टी केन्द्रीय कार्यालय सानेपामा आयोजित पत्रकार सम्मेलनमा बोल्दै पार्टी प्रवक्ता देवराज चालिसेले मधेसको घटनामा समाधान खोज्न राज्य संयन्त्र परिचालन गर्नुको सट्टा आफ्ना स्वकीय सचिव र निजी सहयोगीलाई वार्ताका लागि पठाउनु ‘उदेकलाग्दो परिस्थिति’ भएको बताए।