रुसद्वारा युक्रेनको राजधानी किएभमा भीषण ब्यालिस्टिक मिसाइल आक्रमण, १७ को मृत्यु

एजेन्सी । रुसले बुधबार युक्रेनको राजधानी किएभ र वरपरको क्षेत्रमा दर्जनौं ब्यालिस्टिक मिसाइल प्रहार गरेको छ जसमा परी कम्तीमा १७ जनाको मृत्यु भएको छ र प्रमुख खुद्रा बिक्रेताहरूका गोदाम र लजिस्टिक केन्द्रहरू ध्वस्त भएका छन् भनी युक्रेनी अधिकारीहरूले बताएका छन् ।

रातको समयमा उक्त क्षेत्रमा धेरै विस्फोटहरू भएका थिए र युक्रेनी राजधानीको अँध्यारो आकाश आगोको ज्वालाले भरिएको थियो । पछिल्ला हप्ताहरूमा रुसले हवाई युद्धलाई तीव्र बनाएपछि किएभमा हरेक तीनदेखि चार दिनमा मिसाइल आक्रमण भइरहेको छ ।