आईटी इन्जिनियरिङ पढ्दै गरेका युवक लागु औषध कारोबारमा, राइड सेयरिङ मार्फत डेलिभरी

काठमाडौँ । काठमाडौँको नयाँ बसपार्कस्थित गेष्ट हाउसमा बसेर लागु औषध कारोबार गर्ने एउटा समूहलाई प्रहरीले पक्राउ गरेको छ । मधेस प्रदेशको सप्तरीबाट लागु औषध खैरो हेरोइन ल्याएर काठमाडौँमा कारोबार गर्ने समूहका ३ जनालाई पक्राउ गरिएको लागु औषध नियन्त्रण व्यूरोका एसपी दुर्गाराज रेग्मीले रातोपाटीलाई बताए ।

पक्राउ पर्नेमा ओखलढुंगा घर भएका ३४ वर्षीय हित बहादुर बस्नेत, सप्तरीको राजगढ गाउँपालिका–७ घर भएका १९ वर्षीय रामकृष्ण शर्मा र धनुषा जनकनन्दिनी गाउँपालिका–३ घर भएका २१ वर्षीय धनञ्जय पासवान छन् ।