शक्तिशाली एल निनोका कारण थप ४ करोड ९० लाख मानिस चरम खाद्य असुरक्षामा पर्नसक्ने राष्ट्रसंघीय निकायको चेतावनी

जेनेभा । शक्तिशाली एल निनो मौसमी घटनाका कारण विश्वका केही अति जोखिममा रहेका क्षेत्रमा आगामी वर्षको अन्त्यसम्म थप करिब ४ करोड ९० लाख मानिस चरम खाद्य असुरक्षामा पर्न सक्ने चेतावनी संयुक्त राष्ट्रसंघीय विश्व खाद्य कार्यक्रम (डब्लुएफपी) दिएको छ ।

बुधबार डब्लुएफपीले सार्वजनिक गरेको प्रतिवेदनअनुसार अत्यन्त शक्तिशाली एल निनो विकसित हुने सम्भावना ८१ प्रतिशत रहेको छ । समुद्रको सतहको तापक्रम कम्तीमा सन् १९८२ यताकै उच्च स्तरमा पुगिरहेको छ र यसकै कारण सन् १९५० यताकै सबैभन्दा शक्तिशाली एल निनो बन्न सक्ने सम्भावना रहेको छ ।