गभर्नर र सञ्चालक समितिको पदावधि कति राख्ने भन्नेबारे सांसदहरूको फरक–फरक मत

काठमाडौँ । अर्थ समितिमा नेपाल राष्ट्र बैंक ऐन, २०५८ लाई संशोधन गर्न बनेको विधेयकमाथिको दफाबार छलफलमा केन्द्रीय बैंकका गभर्नर र सञ्चालक समितिको पदावधि यथावत् पाँच वर्ष राख्ने वा घटाउने भन्ने विषयमा समितिका सदस्यहरूबीच फरक–फरक धारणा व्यक्त भएको छ।

समितिको आजको बैठकमा सांसद लिमा अधिकारी र सुशील खड्काले हालको पाँच वर्षको पदावधिलाई घटाएर चार वर्ष कायम गर्नुपर्ने बताएका छन् भने समितिका अर्का सदस्य पारसमणि गेलालले गभर्नर र सञ्चालक समितिको पदावधि तीन वर्ष हुनुपर्ने धारणा राखेका छन्।