गभर्नरलाई 'बाइपास' गर्दै राष्ट्र बैंकका कार्यकारी निर्देशकहरूसँग अर्थमन्त्रीको छलफल

प्रधानमन्त्री बालेन शाह र अर्थमन्त्री स्वर्णिम वाग्लेले आर्थिक तथा व्यावसायिक क्षेत्रका विभिन्न व्यक्तिसँग अघिल्लो महिनादेखि सुरू गरेको समानान्तर भेटघाट शृंखलाले सरकारभित्र आन्तरिक मतभेद बढेको हो कि भन्ने प्रश्न उत्पन्न भएको छ।

सरकार गठन भएको १०० दिन पुगेपछि सक्रियता बढाएका प्रधानमन्त्री बालेनले निजी क्षेत्रका उद्यमी व्यवसायी र आर्थिक क्षेत्रका विभिन्न व्यक्तिसँग भेटवार्ता गर्दा अर्थमन्त्री वाग्लेलाई 'बाइपास' गरेका थिए। ती कुनै पनि छलफलमा अर्थमन्त्री वाग्लेको संलग्नता थिएन।