लगानी बोर्डको नेतृत्वमा यांकी उक्याब : परियोजना वित्तदेखि अक्सफोर्ड र यूएनडीपीसम्मको अनुभव

काठमाडौँ / विकास अर्थशास्त्री तथा सार्वजनिक नीति विज्ञ यांकी उक्याबले अब लगानी बोर्डको प्रमुख कार्यकारी अधिकृत (सिइओ)का रूपमा नेपालको ठुला लगानी तथा पूर्वाधार परियोजनाको नेतृत्व गर्ने भएकी छन् ।

बुधबार बसेको मन्त्रिपरिषद् बैठकले उक्याबलाई लगानी बोर्डको सिइओ नियुक्त गर्ने निर्णय गरेको हो । चार वर्षे कार्यकालका लागि नियुक्त भएकी उक्याब लगानी बोर्डको सुरुआती चरणदेखि नै परियोजना वित्तीयकरणको क्षेत्रमा काम गरिसकेको अनुभवसहित पुनः बोर्डको नेतृत्वमा फर्किएकी हुन् ।