पोखरा विमानस्थल कर छुटसम्बन्धि मुद्दामा पूर्वसचिव न्यौपानेसँग विशेषले माग्यो साढे चार लाख धरौटी

काठमाडौं। पोखरा अन्तर्राष्ट्रिय विमानस्थल निर्माणका क्रममा ठेकेदार कम्पनीलाई गैरकानुनी रूपमा कर छुट दिएको अभियोग लागेका पूर्वसचिव महेश्वर न्यौपानेलाई विशेष अदालतले साढे ४ लाख रुपैयाँ धरौटीमा रिहा गर्न आदेश दिएको छ।

विशेष अदालतका अध्यक्ष बासुदेव आचार्य तथा सदस्यहरू उमेश कोइराला र विदुर कोइरालाको इजलासले तत्कालीन संस्कृति, पर्यटन तथा नागरिक उड्डयन सचिव न्यौपानेसँग ४ लाख ५० हजार रुपैयाँ धरौटी माग गरेको हो। अदालतको आदेश अनुसार न्यौपानेले धरौटी रकम बुझाएर रिहा भएका छन्।