इतिहासलाई साहित्यले कुँद्ने केशवराज ज्ञवाली 

लेखक केशवराज ज्ञवालीलाई चर्चाको केन्द्रविन्दुमा रहन कुनै लालसा छैन । पाठकहरूले मखमली प्रसंशाले निछावर गरिदिउन भन्ने इच्छा मनको कुनै पन्तुरोमा छैन ।

तर, इच्छाविपरीत ज्ञवाली अहिले साहित्यिक वृतमा चर्चित भएका छन् । कारण – उनको हालसालै प्रकाशित ‘अज्ञात’ उपन्यासले नेपाली साहित्यभाषीहरूको वियालोमा मात्र नभई विमर्शमा समेत स्थान पाएको छ । ज्ञवाली अझै इमान्दार र सशक्त आलोचना पर्खिरहेका छन् । मर्मस्पर्शी पङ्क्तिहरूमा ‘अन्डरलाइन’ गर्नेहरूप्रति कृतज्ञता त छ नै । तर, आफ्नो उपन्यासमा कसैले रातो धर्साहरू कोरोदिए, गुणहरूबाट दोष निफन्दिए पनि हुन्थ्यो भन्ने अपेक्षा राखेका छन् ।