कोशीमा हिक्मत कार्कीको सरकार हट्दा संवैधानिक संकट आउँछ ?

२० साउन, काठमाडौं । एमाले अध्यक्ष केपी शर्मा ओलीले कोशी प्रदेशका मुख्यमन्त्री हिक्मत कार्कीसँग राजीनामा मागेका छन् । पार्टीकै अर्का सांसदलाई मुख्यमन्त्री बनाउने योजनाका साथ ओलीले मुख्यमन्त्री कार्कीको राजीनामा मागेका हुन् ।

जवाफमा कार्कीले पार्टी सचिवालय बैठकको निर्णयबिना अध्यक्षको व्यक्तिगत निर्णयले राजीनामा नदिने अडानमा छन् । उनले आफूले राजीनामा नगर्ने भन्दै पदबाट हटाउन चुनौती दिएका छन् । उनले आफू हटे संवैधानिक संकट आउने दाबी गरेका छन् ।