नेशनल मेडिकल कलेजमा विश्व स्तनपान सप्ताहको चौथो दिन : शैक्षिक खेलौना प्रदर्शनीसहित जनचेतनामूलक कार्यक्रम

वीरगञ्ज- विश्व स्तनपान सप्ताह २०२६ को चौथो दिनको अवसरमा 'ब्रेस्टफिडिङ फर अ सस्टेनेबल स्टार्ट इन लाइफ : स्ट्रेन्थेन ह्वा वर्क्स' भन्ने नारासहित नेशनल मेडिकल कलेज एण्ड टिचिङ्ग हस्पिटल, वीरगञ्जको नर्सिङ विभागद्वारा बालरोग वार्ड परिसरमा जनचेतनामूलक तथा शैक्षिक कार्यक्रम सम्पन्न भएको छ। कार्यक्रमको उद्घाटन अस्पतालका निर्देशक डा. इशरत जहानले गर्नुभएको थियो।

कार्यक्रमअन्तर्गत शैक्षिक खेलौनाको प्रदर्शनी तथा विश्व स्तनपान सप्ताहसम्बन्धी पोस्टर प्रदर्शनी आयोजना गरिएको थियो। प्रदर्शनीमार्फत बालबालिकाको सिर्जनात्मक क्षमता, बौद्धिक विकास तथा सिकाइमा खेलआधारित शिक्षाको महत्त्वबारे जानकारी गराइएको थियो। साथै, स्तनपानसम्बन्धी पोस्टरमार्फत आमाहरूलाई सही स्तनपान विधि, शिशुलाई सही तरिकाले स्तनपान गराउने उपाय तथा शिशुको स्वस्थ विकासमा स्तनपानको महत्त्वबारे जानकारी प्रदान गरिएको थियो।