सरकारमा चुलिँदो शक्ति संघर्ष : बालेनले गभर्नरसँग डिल गरेपछि स्वर्णिमले बोलाए राष्ट्र बैंकका कार्यकारी निर्देशक

काठमाडौं – राष्ट्रिय स्वतन्त्र पार्टी (रास्वपा)देखि सरकारसम्म नै पार्टी सभापति रवि लामिछाने र प्रधानमन्त्री वालेन्द्र शाह (बालेन)बीचको शक्ति संघर्ष चुलिँदै गएको छ । सत्ताभित्रको शक्ति संघर्षलाई दुवै पक्षले औपचारिक रूपमा अस्वीकार गरे पनि व्यवहारिक ढंगले भने छताछुल्ल भइसकेको छ ।

बुधबार बिहान मात्रै अर्थमन्त्री डा. स्वर्णिम वाग्लेले नेपाल राष्ट्र बैंकका गभर्नर र डेपुटी गभर्नरबाहेकलाई अर्थ मन्त्रालयमा बोलाएर छलफल गरे । छलफलमा अर्थमन्त्री डा. वाग्लेले राष्ट्र बैंकका निर्देशकहरूलाई केन्द्रीय बैंकलाई केवल नियामक निकायका रूपमा मात्रै नभई देशको आर्थिक रूपान्तरणको सहयात्री बनेर काम गर्न आग्रह गरे ।