‘जय नेपाल पार्टी’ घोषणा गर्ने तयारीमा दुर्गा-धवल

काठमाडौं । राष्ट्रिय प्रजातन्त्र पार्टी (राप्रपा) परित्याग गरेका धवलशम्शेर राणा र मेडिकल व्यवसायी दुर्गा प्रसाईंले साउन २८ गते नयाँ राजनीतिक दल ‘जय नेपाल पार्टी’ घोषणा गर्ने भएका छन् ।

नयाँ पार्टी घोषणा गरेलगत्तै सोही दिन निर्वाचन आयोगमा दल दर्ताका लागि निवेदन दिने तयारी गरिएको छ । पार्टीको अध्यक्ष धवलशम्शेर राणा र सर्वोच्च नेता दुर्गा प्रसाईं रहने सहमति भएको एक नेताले जानकारी दिए ।