१२८ मेगावाटको तमोर–मेवा जलविद्युत आयोजनाको सुरुङ खन्ने कार्य सुरु

काठमाडौँ । स्पार्क हाइड्रोइलेक्ट्रिक कम्पनी लिमिटेडले आफ्नो महत्त्वाकांक्षी आयोजना १२८ मेगावाट क्षमताको ‘तमोर–मेवा जलविद्युत परियोजना’ को सुरुङ खन्ने कार्य (टनेल ब्लास्टिङ) औपचारिक रूपमा सुरु गरेको छ।

ताप्लेजुङको फुङ्लिङमा आयोजित एक विशेष समारोहका बीच बुधबार सुरुङको विस्फोटक उत्खनन (ब्लास्टिङ) गरिएसँगै आयोजना निर्माणको भूमिगत कार्यले गति लिएको हो ।