स्याङ्जाका उत्कृष्ट कृषक सम्मानित

स्याङ्जा । स्याङ्जाका उत्कृष्ट ४ कृषकलाई सोमबार सम्मान गरिएको छ । जिल्लास्थित कृषि विकास कार्यालयले २३औँ राष्ट्रिय धान दिवसका अवसरमा कृषि क्षेत्रमा उत्कृष्ट र उदाहरणीय कार्य गर्दै आएका चार जनालाई सम्मान गरेको हो ।

कृषिलाई आम्दानीको मुख्य स्रोत बनाएका कृषकमध्ये जिल्लाभरिबाट यस वर्ष ४ जना कृषक सम्मानित भएको कृषि विकास कार्यालयका कृषि अर्थविज्ञ नारायणप्रसाद पाठकले जानकारी दिए । उनका अनुसार व्यावसायिक रूपमा सुन्तलाखेती गर्दै आएका पुतलीबजार नगरपालिका–७ का रामकाजी राना र भीरकोट नगरपालिका–७ का शालिकराम अर्याल सम्मानित भएका हुन् ।