सहयोग तथा सहजीकरणका लागि स्थानीय तहलाई मन्त्रालयको आग्रह

काठमाडौँ । भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले मतदाता नामावली सङ्कलन, निजी फलफूल नर्सरी सुदृढीकरण र राष्ट्रिय खोप कार्यक्रमलाई प्रभावकारी बनाउन स्थानीय तहहरूलाई पत्राचार गरी आवश्यक सहयोग तथा सहजीकरणका लागि आग्रह गरेको छ।

निर्वाचन आयोगको गत साउन १५ गतेको निर्णयअनुसार आगामी भदौ १५ गतेसम्म वडास्तरमा नै मतदाता नामावली अद्यावधिक गर्ने कार्यक्रम सञ्चालन हुँदैछ। सो कार्यका लागि स्थानीय पञ्जिकाधिकारीसँग समन्वय गरी विवाह, बसाइँसराइ तथा मृत्यु भएका मतदाताको विवरण भिडाई अद्यावधिक गर्न प्रदेश र जिल्ला निर्वाचन कार्यालयलाई आवश्यक सहयोग गर्न मन्त्रालयले सबै गाउँपालिका र नगरपालिकालाई निर्देशन दिएको छ।