नारायणगढ-मुग्लिन सडक पुनर्निर्माण सकिएको दशक नपुग्दै किन बारम्बार पहिरो

सडक विभागका अधिकारीहरू यस पटकको बर्खाको आधा समय नहुँदै काठमाण्डूलाई देशका अन्य भागसँग जोड्ने एउटा मुख्य सडक, नारायणगढ-मुग्लिनमा आइरहेको पहिरोबाट चिन्तित देखिन्छन्।

"अहिलेको समस्या नयाँनयाँ ठाउँबाट पहिरो जानु छ," विभागका सहायक प्रवक्ता इन्जिनियर शुभाञ्जन दाहालले बीबीसीसँग भने। "यो साता त धेरै नै सडक रोकिने र खुल्ने भइरह्यो।"