के वैकल्पिक मार्गहरूले खाडी क्षेत्रबाट हुने तेल र ग्यासको आपूर्ति जारी राख्न सक्छन्?

इरान र अमेरिकाबीच तनाव फेरि चर्किएपछि विश्वकै सबैभन्दा महत्त्वपूर्ण समुद्री व्यापारिक जलक्षेत्रमध्ये एउटा स्ट्रेट अफ होर्मुज पुन: एकपटक विश्वको ध्यानको केन्द्रमा परेको छ।

स्थायी रूपमा द्वन्द्व अन्त्य गर्ने उद्देश्यसहितको अन्तरिम सम्झौतामा हस्ताक्षर गरेको केवल एक महिनापछि दुवै देशले फेरि एकअर्का विरुद्ध आक्रमण गर्न थालेका छन्। यसरी बढेको तनावका कारण अन्तर्राष्ट्रिय बजारमा तेलको मूल्य पनि उकालो लागेको छ।