मनकामना मन्दिरमा भक्तजनका लागि स्वास्थ्य सहायता कक्ष स्थापना

२१ साउन, गोरखा । मनकामना मन्दिर दर्शन गर्न आउने भक्तजनहरुले मन्दिर परिसरमै प्राथमिक स्वास्थ्य उपचार सेवा पाउने भएका छन् । मनकामना क्षेत्र विकास समिति र शहिद लखन गाउँपालिकाको संयुक्त साझेदारीमा स्वास्थ्य सहायता कक्ष स्थापना भएको छ ।

इसिजीसम्मको प्राथमिक उपचार उपलब्ध गराउने उदेश्यले स्थापना भएको कक्षको वुधवार उद्घाटन गरिएको छ । गाउँपालिका अध्यक्ष रमेश थापाले एक कार्यक्रमकाबीच कक्षको उद्घाटन गरेका हुन् ।