बाढी प्रभावित क्षेत्र रसुवाको लिङलिङका नागरिकमा झाडापखाला देखियो

काठमाडौँ । बाढी प्रभावित क्षेत्रका नागरिकहरूमा झाडापखाला देखिन थालेको छ । प्रभावित क्षेत्रमा उपचारका लागि आएका नागरिकहरुमा झाडापखाला देखिन थालेको हो । राष्ट्रिय ट्रमा सेन्टरमा कार्यरत चिकित्सकीय टोली नेपाली सेनाको सहयोगमा बाढी प्रभावित क्षेत्र रसुवाको गोसाईंकुण्ड गाउँपालिका लिङलिङमा उपचारमा खटिएको छ ।

उपचारका क्रममा अहिले सो क्षेत्रमा झाडापखालाका दुई–चार जना बिरामीहरू समेत देखिन थालेका उपचारमा संलग्न डा‍.सरोजकुमार गोहिवारले जानकारी दिए । यस्तै, प्राकृतिक विपत्तिपछि मानिसहरूमा डर र त्रास पैदा भएकाले धेरैजसोमा ‘पोस्ट ट्रम्याटिक स्ट्रेस डिसअर्डर’ अर्थात् मानसिक आघातको समस्या देखिएको छ ।