जेनजी आन्दोलनमा कारागारबाट भागेका कैदी घरमै लुकेको भेटिए

काठमाडौँ- जेनजी आन्दोलनका क्रममा सुनसरीस्थित झुम्का कारागारबाट फरार कैदीलाई प्रहरीले घरमै फेला परेको छ। झुम्का कारागारमा हत्या कसुरमा कैद सजाय भुक्तान गरिरहेका तेह्रथुमको लालिगुराँस नगरपालिका ८ सोल्माका ३५ वर्षीय छत्रबहादुर नेपालीलाई प्रहरीले आज बिहान उनकै घरबाट नियन्त्रणमा लिएको हो।

तेह्रथुम जिल्ला प्रहरी कार्यालयका अनुसार २०८२ भदौ २३ र २४ गते भएको जेनजी आन्दोलनका क्रममा कारागारबाट भागेका उनी आफ्नै घरमा लुकीछिपी बसेको भन्ने गोप्य सूचना पाएको थियो।