शिक्षकको बढेको तलबभत्ता भुक्तानी गर्न अर्थ मन्त्रालयको परिपत्र

काठमाडौँ- नेपाल सरकारले निजामती कर्मचारी, नेपाली सेना, नेपाल प्रहरी, सशस्त्र प्रहरी बल, स्वास्थ्य सेवा, संसद् सेवा, सामुदायिक विद्यालयका शिक्षक तथा प्रदेश र स्थानीय तहका कर्मचारी (निजामतीकरण प्रयोजन) को नयाँ तलबमान तथा सुविधा साउन १ गतेदेखि लागू गरेको छ।

अर्थ मन्त्रालयको बजेट तथा कार्यक्रम महाशाखाले बुधबार जारी गरेको परिपत्रअनुसार मन्त्रिपरिषद्को साउन ४ गतेको बैठकले गरेको निर्णय कार्यान्वयनका लागि सबै मन्त्रालय, आयोग, सचिवालय तथा कार्यालयलाई निर्देशन दिइएको हो।