त्रुटि भएको भन्दै फिफाका अध्यक्षले मागे माफी

बीबीसी । विश्व फुटबल महासंघ (फिफा) का अध्यक्ष जियानी इन्फान्टिनोले प्रतियोगितामा निजी लगानीकर्ता भित्राउने विवादास्पद योजनामा भएका त्रुटिप्रति माफी मागेका छन्। तर, वरिष्ठ पदाधिकारीहरूको समर्थन प्राप्त गरेपछि उनी फिफा अध्यक्षकै रूपमा रहने भएका छन् ।

बढ्दो आलोचनाबीच इन्फान्टिनोले बुधबार मोरक्कोको राजधानी रबाटस्थित फिफाको अफ्रिका कार्यालयमा व्यवस्थापन बोर्डको बैठक बोलाएका थिए। बैठक सम्पन्न भएको चार घण्टापछि फिफाले विज्ञप्ति जारी गर्दै इन्फान्टिनोप्रति व्यवस्थापन बोर्डले पूर्ण समर्थन जनाएको जानकारी दिएको हो।