१२८ मेगावाट क्षमताको तमोर-मेवा जलविद्युत आयोजनाको भूमिगत उत्खनन कार्य सुरु

ताप्लेजुङस्थित तमोर नदीको पानी उपयोग गरेर बनाइने १२८ मेगावाट क्षमताको तमोर–मेवा जलविद्युत आयोजनाको सुरुङ निर्माण कार्य सुरु भएको छ।

आयोजनाका लागि आवश्यक पर्ने करिब ५ किलोमिटर लामो सुरुङ मार्ग निर्माण गर्न पहिलो पटक ब्लाष्टिङ गरिएको छ। ‘सुरुङ निर्माणका लागि आवश्यक पर्ने ब्लाष्टिङसहितका कार्य अब नियमित भइरहने आयोजनाको प्रवर्द्धक संस्था स्पार्क हाइड्रो इलेक्ट्रिक कम्पनी लिमिटेडका संस्थापक अध्यक्ष तथा सञ्चालक भानेन्द्रकुमार लिम्बूले बताए।